لـــغــــة نــتـــيـــة
في يوم من الأيام جتنا وحده من قريباتي
تزورنا طبعا <<<<احلفي
المهم وانا في خضم السواليف معها <<<اهم شيء خضم عورني اصبعي وانا اكتبها خخخخخخخ
نرجع للسواليف ...وحنا نسولف ونسولف ونسولف جاء طاري الايميلات <<<هذا اذا ماصارت كل السواليف ايميلات :(
عاد هذي فلانة قريبتي لزمت علي افتح ايميلي عندها عشان اوريها مقطع .... عاد انا ماحب افشل احد قلت لها يابنت الحلال ارسله لك بعدين ترى مشكلة لوفتحته الحين <<<كل ذا ولا احب افشل
تزورنا طبعا <<<<احلفيالزبدة اني فتحته يوم فتحته وفتحت صندوقي الوارد (ان بوكس) بعدين سويت للرسالة (المسج) فتح (اوبن) وشافته وقالت بليز سوي سند لي <<<اقل شيء كانت كملتها وقالت فور مي ناس تكشخ ومولايق ابدا البته :p
بعدين قالت لي ياختي ايميلك غبي (ستيوبت) قلت لها لو سمحت لاتغلطين على ايميلي <<<صايرمن العائلة حتى امي تقط فيه
المهم قلت لها ليش اخوي بالله غبي ... قالت وبكل ثقة لانك مخليه اللغة (اللانقوج) عربي احسه يفشل
<<<فيس طايره بوهته
قلت ليش الاخت ثقافتها اورديه ولا فرنسيه <<<<فرق بين الثنتين خخخخخ
قالت لاجد افتحي ايميلي بتشوفين الفرق شلون حقي كيوت وكلاسيك <<<<اموت ياكلاسيك حسيتها كلمه توها
متعلمتها ماحبيت افشلها فرحانه فيها
المهم انا لا تعليييييييييق وهي تبيني افتح ايميلها بس انا عييت لانها نشبة ماتخلص بتقعد تورني رسايلها من اول يوم سوت ايميل
عاد وحنا نتناقش باللغة الا دق جوالها قالت لي (brb) أنا عسى ماشر فلانه وش تقولين قالت لا عادي مشي ...
<<<الا هنا وقفوا
طبعا انا ماراح اقول اني ماتطلع مني كلمات مو عربيه الا وبعد يمكن بالهبل والطامة الكبرى قدام طالباتي @@...
وماراح اقول اني مااستخدم (brb) (tyt) وماإلى ذلك واسوي نفسي بنت سيبويه لا والله...
بس ماتوصل لدرجة اني اقول اللغة العربية تفشل ...
يعني فلانة السابق ذكرها عطتني صدمة بوجهي هذي الصدمة كان لها اثر معاكس...
فانتم تعرفون قانون نيوتن الثالث <<<لكل فعل ردة فعل مساوية لها بالمقدار معاكسه لها بالاتجاه <<<نيوتن اشكرك صار لي مبدا بالحياة
فانا ردة فعلي شلون صارت >>>قررت اني احارب الكلمات الدخيلة علينا حتى لو انجليزيه معربة مدري وش الفايده يعني مستخسرين نطلع حروفنا بلغة القرآن ..
ولا مسوين كشخة وطبقة راقية ...يعني شيء حلو انك تعرفين انجليزي بس خليه مخزون في حياتك طلعيه وقت الحاجة وماله داعي تصيرين نفس خلق الله (الشغالات) وكلامك مكسر...
يعني الان فتحنا لغة جديدة صرنا نتكلم عربي ونكتبه بحروف انجليزية يعني لغة (نتيه) ريحي عيونك واكتبي عربي اصرف ولاتسوين نفسك فاهمه ....
بعدين بحكم اني ابلى وتروح عيوني من اوراق الاختبارات فاني والله العظيم انصدم من املاء بعض البنات والسبب الاول والاخير النت وهاللغة الجديدة يعني (التنوين) هل يعقل انه يكتب (نون) ولا (ض) حذفوها من الحروف الهجائية وخلوها (ظ) ولاتناقشينهم بعد هذا غير التاء المربوطة والمفتوحه
يعني بلا بكش وماله داعي نقول مادة الاملاء مالها داعي في المتوسط اتوقع لو تستمر للثانوي والله احسن واحسن...
وبعد عندي اقتراح يعني اذا بيفشلك البريد الالكتروني العربي ....امسحي الحروف العربيه من كيبوردك لانها مصدر هذه الفشيلة ...
من جد على قول الشاعر (عار عليك اذا فعلت عظيم )
عموما ارحموا لغتكم اولا واخرا ... وفي النص ارحموا ابلة العربي <<<اقوى تحية لابلى 12
خليك انسانة متزنة ...لغتك واحدة حتى ان خاطبك احد بغيرها خاطبيه بها ليش انت تمشين على كيفهم وهم يترفعون عليك...مثل ماحنا مطالبين بتعلم لغة غيرنا .. فمن الافضل لنا التمسك بلغتنا فلم يبقى لنا شيء يجمعنا كعرب سواها
اووه نسيت اقولكم (الكلمات بين الاقواس في بداية الموضوع لفلانة اخاف ماتفهم :p)
فلانة من الناس قريبتي شكرا لك فقد كنت سببا لكتابة الموضوع...
اما انتم ياقرائي اترك لكم حرية التعبير....
دمتم في حفظ الرحمن ...
ليست هناك تعليقات:
إرسال تعليق